MUQDISHO — Muuqaal ay heshay Puntland Times ayaa muujinaya dhacdo rabshado wata oo gudaha Garoonka Diyaaradaha Aadan Cadde ee Muqdisho ku dhex martay shaqaale ajaanib ah oo ka tirsan shirkadda diyaaradaha SalamAir ee dalka Cumaan iyo dhinacyo kale oo goobta ku sugnaa.
Muuqaalka ayaa muujinaya shaqaalaha diyaaradda oo lagu garaacayo gudaha garoonka, taasoo dhalisay su’aalo iyo walaac ku saabsan amniga garoonka, badqabka shaqaalaha ajaanibta ah iyo habka loo maareeyo dhacdooyinka rabshadaha wata ee ka dhaca gudaha garoonka.
Ilaa hadda, lama xaqiijin sababta rasmiga ah ee dhalisay dhacdadan, cidda ku lug lahayd ama haddii ay jiraan shaqsiyaad loo qabtay falka.